Manchester United fitoi 0-4 përballë një kundërshtari të fortë si Real Sociedad dhe kualifikimi në raundin e 1/8 të Europa League mund të quhet çështje e mbyllur.
Trajneri i “Djajve të Kuq”, Ole Gunnar Solskjaer vlerësoi paraqitjen fantastike të djemve të tij në prononcimin e dhënë pas ndeshjes.
“Luajtëm shumë mirë dhe u treguam cinikë. Pas golit të dytë ia dolëm të gjenim më shumë hapësira për të vijuar me sulmet tona.
Sonte arritëm një fitore tepër të rëndësishme, por nuk jemi kualifikuar akoma. Jam shumë i lumtur për golin e James, i cili kreu një veprim të bukur.
Nuk duhet të mashtrohemi nga rezultati 0-4, Real Sociedad mbetet një skuadër e mirë dhe nuk ishte aspak e thjeshtë të fitonim“, deklaroi Solskjaer. /abcnews.al
