Dy gola të pësuar brenda tre minutave. Napoli e ka nisur shumë keq sfidën e parë të raundit të 1/16 të Europa League jashtë fushe me Granadën.
Skuadra spanjolle zhbllokoi takimin në minutën e 19-të. Kros i Kenedy, Di Lorenzo harron të markojë kundërshtarin dhe realizim me kokë i venezuelianit Yangel Herrera.
Vendasit nuk u ndalën dhe shënuan një tjetër gol pak çaste më vonë. Këtë radhë pati festë personale për brazilianin Kenedy, i cili finalizoi një kundërsulm të shpejte me një diagonale të bukur.
Avantazh i dyfishtë dhe shumë i rëndësishëm për Granadën, ndërsa Amir Rrahmani (e ka nisur si titullar) me shokë duhet të gjejnë rrugën e rrjetës në minutat e mbetura. /abcnews.al
