Napoli ka mundur të shënojë ndaj Juventusit në ndeshjen e javës së 22-të Serie A. Goili i avantazhit ka ardhur me ndihmën e një penalltie të shkaktuar nga Chiellini.
Kapiteni juventin ndërhyri në mënyrë të gabuar pikërisht ndaj Amir Rrahmanit gjatë një dueli në ajër dhe gjyqtari akordoi penallti, pasi e pa në VAR.
Lorenzo Insigne e mori përsipër penalltinë e fituar nga kapiteni i Kosovës dhe mundi të mposhtë Wojciech Szczęsny pa shumë probleme dhe 1-0 për të kaltrit. /abcnews.al