Ndeshja e fundjavës së kaluar mes Fulham dhe West Ham vazhdon të jetë në qendër të polemikave në Angli. Në fundin e takimit ishte gjyqtari Mike Dean që u bë protagonist, me atë karton te kuq ndaj mesfushorit të West Ham, Tomas Soucek.
Dean edhe pasi pa sërish episodin në sistemin VAR, e akordoi sërish kartonin, i cili shkaktoi aq shumë polemika. Anglezi menjëherë pas ndeshjes mori shumë kritika, madje edhe kërcënime me vdekje për të dhe familjen e tij.
Whatever decisions are made on the pitch should stay on the pitch. I don’t like hearing about it interfering with personal life and I send Mike Dean and his family my support. There is no place for abuse of any kind. It is in the past and I’m now focused on the rest of the season https://t.co/Tcofvo8a9X
— Tomáš Souček (@tomassoucek28) February 8, 2021
Si pasojë e këtyre kërcënimeve dhe ofendimeve, gjyqtari 55-vjeçari kërkoi nga Federata Angleze e Futbollit që të mos arbitronte asnjë ndeshje këtë javë. Sapo mori vesh këtë lajm ishte pikërisht Soucek ai që reagoi, duke i dalë në mbrojtje Deanit.
“Çfarëdo lloj vendimi që merret në fushë, duhet të mbesë në fushë. Nuk më pëlqen të dëgjoj kërcënimet ndaj gjyqtarit Dean dhe i jap mbështetjen time të plotë atij dhe familjes. Nuk ka pse të ndodhë një abuzim i tillë. Ai vendim i përket të shkuarës dhe unë jam i fokusuar në pjesën tjetër të sezonit”, përfundon mesfushori çek. /abcnews.al
