Liverpool pret Manchester City në “Anfield” dhe ekipi i Jurgen Klopp ka një shans të artë për t’u rikthyer fuqishëm në garën për titullin. Fitorja do i jepte fund problemeve të ndeshjeve të fundit dhe tre pikët janë alternativa e vetme kundër kryesuesve të Pep Guardiolës.
Xherdan Shaqiri është lodhur me kritikat dhe zbulon se pse kampionët në fuqi po shfaqin oshilacione në Premier League këtë sezon. “Edhe ne jemi njerëz, kemi momentet tona të mira dhe jo të tilla. Është diçka normale, nuk jemi robotë.
Nuk mund të jemi gjithmonë në 200%-in tonë. Premier League është plot skuadra të mira, edhe kundër të voglave vuan. Të gjithë ekipet ‘big’ po hasin probleme, nuk po i ndodh vetëm Liverpoolit. Jemi pjesë e kampionatit më të bukur në planet.
Këtë sezon po e shohim të gjithë se çdokush mund të fitojë ndaj çdokujt. Kampionati është shumë interesant, ne jemi akoma në garë për titullin kampion. Do të jetë një betejë e bukur deri në fund“, përfundoi lojtari ofensiv nga Gjilani. /abcnews.al
