Real Madrid u shokua ditën e djeshme në shtëpi, pasi u mposhtën 1-2 nga Levante. Me humbjen e pësuar u vërtetua dhe një herë tjetër rëndësia e kapitenit Sergio Ramos, pasi sa herë që ai nuk luan ata humbasin.
34-vjeçari ka munguar në pesë ndeshje këtë sezon dhe në të pestë sfidat ata nuk kanë mundur të marrin asnjë pikë. Ndërkohë, ky sezon është më i keqi për Zinedine Zidane në stolin e Real Madrid.
Në sezonin 2017/18 në 62 ndeshje francezi kishte vetëm 9 humbje, por këtë sezon ka pësuar 8 humbje në vetëm 28 ndeshje dhe ka vetëm 15 fitore. Ndoshta në pjesën e dytë të sezonit Reali mund të rikthehet në ditët e tij më të mira, por gjithçka mbetet për t’u parë. /abcnews.al
