Bayern Munchen nuk ka kundërshtarë në Gjermani. Kampionët siguruan fitoren e radhës sot përballë Hoffenheim. Bavarezët kishin humbur 4-1 në fazën e parë, teksa me të njëjtin rezultat fituan sot.
Diferenca me vendin e dytë vijon të jetë 7 pikë, teksa Hans-Dieter Flick analizoi fitoren e sotme. “Jemi mësuar të përballemi me skuadra që preferojnë të luajnë një futboll kreativ.
Edhe Hoffenheim e demonstroi sot një gjë të tillë, ata krijuan disa raste për gol, sidomos në pjesën e parë. Neuer kreu disa ndërhyrje shumë të mira. Sigurisht që fitorja 4-1 është një rezultat i shkëlqyer.
Kjo ishte fitorja e katërt radhazi në kampionat. Sot nuk ishte gjithçka perfekte, por jam i kënaqur me skuadrën. Donim të reagonim me çdo kusht pas dy humbjeve dhe e bëmë një gjë të tillë.
Kështu sillen skuadrat e mëdha. Treguam që mund të përmirësohemi në një kohë të shkurtër. Kjo është e rëndësishme, sidomos në aspektin e shtimit të besimit te cilësitë tona“, përfundoi Flick. /abcnews.al
