Wayne Rooney është një legjendë e Manchester United. 35-vjeçari fitoi gjithçka në 13 vitet që kaloi në “Old Trafford” (2004-2017), teksa është golashënuesi më i mirë i historisë së klubit anglez.
“Djajtë e Kuq” po zhvillojnë një kampionat fantastik dhe renditen në vend të parë. Titulli tek United mungon prej vitit 2013, teksa Rooney beson se djemtë e Solskjaer kanë mundësi reale të triumfojnë këtë sezon.
“Në vitet e fundit, Manchester United nuk ka qenë gati për të luftuar për titullin kampion, por drejtuesit ofruan lojtarë si Bruno Fernandes dhe Edinson Cavani. Janë futbollistë me mentalitet fituesi, e kanë ndihmuar shumë skuadrën.
Gjashtë javë më parë besoja se United mund të fitonte titullin, të njëjtën gjë mendoj edhe sot. Pogba do të luajë një rol të rëndësishëm këtë sezon, teksa ardhja e lojtarëve të tjera do e ulë presionin ndaj tij“, thekson Rooney. /abcnews.al
