Sulmuesi i Bayern Munich, Serge Gnabry, është shumë pranë rikthimit. Trajneri Hansi Flick dhe stafi teknik i bavarezëve shpresojnë që ta kenë në dispozicion gjermanin për përballjen e javës së ardhshme kundër Freiburg.
Ka qenë vetë klubi gjerman që ka postuar një video në “Twitter”, teksa shikohet 25-vjeçari që ësht rikthyer në stërvitje. Gnabry mungoi në disfatën e së premtes kundër Borussia M’Gladbach për shkak dëmtimi, ku bavarezët u mposhtën me rezultatin 3-2.
?️ @SergeGnabry continues working towards his comeback with some running ?♂️#MiaSanMia #ComeBackStronger pic.twitter.com/Bh894ABxCN
— FC Bayern English (@FCBayernEN) January 9, 2021
Kjo ishte humbja e dytë për Bayernin në këtë sezon, edhe pse janë ende në vendin e parë në Bundesliga me 33 pikë. Gnabry nuk pritet të grumbullohet për ndeshjen e raundit të dytë të Kupës së Gjermanisë në mesjavë kundër Holsten Kiel, në mënyrë që të jetë 100% gati për duelin e fundjavës. /abcnews.al
