Miliarderi amerikan Elon Musk ka dhënë disa këshilla për CEO-t e kompanive. Shefi ekzekutiv i Tesla Inc. tha se shumë drejtues të biznesit harxhojnë kohë me diskutime në sallat e konferencave ose gjatë prezantimeve dhe nuk arrijnë t’i kushtojnë vëmendje të mjaftueshme gjetjes së mënyrave për t’i bërë produktet e tyre më të mira përmes inovacioneve të përditshme.
“A janë CEO-të në Amerikën e koorporatave të përqendruar mjaftueshëm në përmirësimin e produktit? Unë mendoj se përgjigjja është jo, ”i tha Musk një audience në internet të martën gjatë samitit vjetor të Këshillit Drejtues të The Wall Street Journal.
“Kaloni më pak kohë në financa, kaloni më pak kohë në sallat e konferencave, më pak kohë në PowerPoint dhe më shumë kohë vetëm duke u përpjekur ta bëni produktin tuaj sa më mahnitës”, këshilloi ai.
Musk kishte vërejte edhe për mënyrën se si drejtoheshin shumica e kompanive. Ekzekutivi miliarder gjithmonë ka pasur një qasje të pazakontë ndaj menaxhimit. g.v/abcnews.al
