Vllaznia e mbylli me një barazim 1-1 kundër Tiranës vitin 2020 dhe në vendin e parë, pas një ecurie mjaft pozitive në 12 javët e para të kampionatit. Shkodranët janë mposhtur vetëm nga Kukësi e Laçi dhe tani mund të pretendojnë titullin kampion.
Pas ndeshjes me Tiranën, kapiteni Erdenis Gurishta ka thumbuar rivalët e Tiranës me një postim të bërë në llogarinë e tij në “Facebook”. Mbrojtësi i djathtë shkruan: “Ju thjesht s’mund të mposhtni dike që nuk dorëzohet!”
Tirana ishte sot në epërsi kundër Vllazninë, por kuqeblutë realizuan me Imerin dhe e shmangën humbjen. Jo vetëm kaq, por luftuan edhe të merrnin pikët e plota dhe rastet nuk u munguan. Shkodranët edhe në ndeshjen e parë në “Loro Boriçi” treguan karakter, duke fituar klasiken në minutën e 97-të. /abcnews.al
