Presidenti amerikan, Donald Trump, ka reaguar shumë ashpër ndaj bashkëshortes së tij pasi vuri re se po shihte CNN në televizion. Lajmi është publikuar nga New York Times, i cili saktëson se ngjarja ka ndodhur në bordin e avionit presidencial.
Një çift bashkëshortësh që bëjnë debat për atë që duhet parë në televizion ëshët një klishe, nga e cila nuk mund të shpëtojë as çifti presidencial amerikan. Lajmi i publikuar nga New York Times tregon se debati ka ndodhur në bordin e avionit presidencial “Air Force One” gjatë kthimit për në Shtetet e Bashkuara të Amerikës nga Europa. Kur Trump vuri re se Melani po shihte CNN ka reaguar shumë keq.
Në fakt, rrjeti televiziv është më i urryeri nga kreu i Shtëpisë së Bardhë, i cili e konsideron si një fabrikë lajmesh të rreme. Por dhe stafi presidencial nuk i ka shpëtuar zemërimit të Trump, pasi kishin anashkaluar një rregull të rëndësishëm, televizionet në bordin e avionit para çdo udhëtimi duhet të transmetojnë vetëm Fox News, që sipas presidentit amerikan është i vetmi televizion që e meriton të ndiqet.
Por zëdhënësja e zonjës së parë amerikane ka reaguar menjëherë pas lajmit të publikuar nga New York Times duke thënë se Melani Tramp do vazhdojë të shohë rrjetet televizive që dëshiron./abcnews.al
