Një provokim perfekt, në vendin e duhur. Joan Laporta në 24 janarin e ardhshëm do të kandidojë për president të Barcelonës dhe ka nisur fuqishëm fushatën për t’u rikthyer.
Ai ishte një nga presidentët më të suksesshëm të Barçës, teksa ishte në krye të klubit në vitet 2009 dhe 2011 kur katalanasit fituan tripleta.
Mëngjesin e ditës së sotme Laporta e ka zgjuar Madridin me një surprizë. Një poster gjigant me fytyrën e tij u shfaq në një prej ndërtesave gjigantë të kryeqytetit spanjoll.
#HolaMadrid? pic.twitter.com/eSmCkVWyeb
— Joan Laporta Estruch? (@JoanLaportaFCB) December 15, 2020
Një provokim mjaft interesant në një vend më shumë se strategjik, pranë stadiumit “Santiago Bernabeu”. “Dëshiroj të takohemi përsëri”, shkruhet në posterin e Laportas.
Ky veprim ka ngjallur vëmendjen e madhe të medieve dhe të tifozëve të Barçës, pikërisht ajo që donte vete ai. Laporta dhe Victor Font pritet të jenë dy kandidatët më shumë të votuar në zgjedhje. /abcnews.al
