Prej dy ditësh reshjet e borës kanë përfshirë zonat malore të veriut dhe juglindjes së vendit.
Përveç parkut kombëtar të Llogarasë edhe fshati turistik i Dardhës është përfshirë nga reshjet e dëborës prej orëve të para të mëngjesit të kësaj të mërkure.
Sipas zyrtareve të autoritetit lokal të rrugëve nacionale, në segmentin rrugor të Dardhës trashësia e borës ka shkuar deri në 3 cm, ndërsa problem shfaq kilometri i 9 deri në kilometrin e 12.
Në terren kanë dalë firmat kontraktore të cilat po punojnë për kriposje dhe hapjen rrugëve por përsëri paraqet rrezik.
Sektori i qarkullimit rrugor i bën thirrje drejtuesve të mjeteve, të bëjnë kujdes në këtë segment për shkak te prezencës së borës dhe lagështirës në rrugë, ndërsa drejtuesit e mjeteve duhet të pajisen me gomat e dimrit./abcnews.al
