Tri ditë pas dhunës së ushtruar nga i ati, ka ndërruar jetë në spitalin e Durrësit 41-vjeçari Agron Tema. Viktima, banor i fshatit Gjuricaj në Durrës, sipas policisë, ishte dhunuar nga i ati 70-vjeçar Xhavit Tema.
Ky i fundit tashmë i arrestuar, krahas të birit ka dhunuar edhe nusen e djalit. E gjithë ngjarja ka ndodhur në banesën e bashkëshortëve. I moshuari mësohet të ketë qëlluar me sende të forta të birin, i cili nuk mundi t’i mbijetojë plagëve të marra pavarësisht ndihmës mjekësore.
Ndërsa shkak për ngjarjen thuhet se janë bërë konfliktet për pronësinë. Mbi 70-vjeçarin rëndon akuza e vrasjes në rrethana cilësuese./abcnews.al
