Sophie Turner ka zbuluar më në fund datën e lindjes së vajzës Willa. Ylli i “Games of Thrones” dhe bashkëshorti Joe Jonas mirëpritën fëmijën e tyre të parë në verë, por janë treguar shumë të rezervuar për të zbuluar detaje të mëtejshme.
Së fundmi, Sophie publikoi në Instastory një fotografi të një varësje prej ari me mbishkrimin: “22 .07.20”. Dyshja e famshme konfirmoi lajmin e ëmbël pak muaj më parë, ku u shprehën se ndiheshin të lumtur për ardhjen në jetë të foshnjës së tyre.
Aktorja e “Games of Thrones” dhe këngëtari Jonas u martuan në një ceremoni sekrete në maj të 2019-ës. Pothuajse dy muaj më vonë, dyshja i thanë “po” njëri-tjetrit sërish në një ceremoni madhështore të mbajtur në Francë. /abcnews.al
