Artan Mërgjyshi flet hapur dhe del kundër drejtuesve të klubeve, për mënyrën se si trajtohen trajnerët. Në emisionin “Pressing” në ABC, pranoi se eliminimi nga Kupa është një objektiv i djegur, por justifikon trajnerin e Tiranës, Emanuel Egbo, i cili u shkarkua sot.
“Eliminimi nga kupa është një justifikim. Ky është një problem në futbollin shqiptar dhe ne që jemi të fushës duhet ta ngrejmë zërin për këtë përdhosje që na bëjnë presidentët. Për këtë që në bëjnë duke na larguar duke fituar.
Doli nga kupa në një moment jo, kur nuk kishte ngjyrën e skuadrës. Po, është objektiv i djegur, por nuk ka diferenca me Korabin. Flas për atë skuadër që ishte në fushë. Mund të të heqin kur janë bërë 10 ndeshje, jo në ndeshjen e dytë”. /abcnews.al
