Pak ditë më parë, Fjolla Morina bëri publike lidhjen e saj me biznesmenin Fisnik Sylën. Megjithëse në fillim i mohoi lajmet që qarkullonin në media se është në një lidhje romantike me Sylën, Fjolla zbuloi se i ka propozuar dhe për martesë. Ndërkohë që kur konfirmoi romancën me biznesmenin, Fjolla nuk ka nguruar të ndajë momente dhe dedikime romantike me njeriun që i ka vjedhur zemrën.
Së fundmi, ajo ka publikuar imazhe të tjera ku shfaqet krah partnerit, ndërsa i ka dedikuar dhe disa fjalë të ëmbla. “Vendi më i lumtur në planet është ai me ty”, ka shkruar Fjolla krahas fotove. Kujtojmë që pak ditë më parë, reagoi dhe bashkëshortja e Fisnikut, e cila ka treguar se ka qenë e martuar prej 10 vitesh dhe se tashmë kjo marrëdhënie mori fund prej Fjollës.
“Atyre që deshtën shkatërrimin e familjes marrshin nga jeta atë që e meritojnë”, mësohet të jetë shprehur ish bashkëshortja. Fjolla ka qenë kryefjalë e mediave kohët e fundit pasi u kap me dy pistoleta në pikën kufitare të Morinës. Ajo pranoi autorësinë e armëve duke thënë se i kishte harruar në çantë, ndërsa shoqërohej dhe me partnerin e saj dhe shoferin Fitim Muji. /abcnews.al
