Ditën e sotme dhe të nesërme priten të zhvillohen ndeshjet e radhës në Ligën e Kombeve. Kompeticioni i krijuar nga UEFA për të shmangur miqësoret mes kombëtareve është në sezonin e tij të dytë, pasi kujtojmë që vitin e kaluar e fitoi Portugalia.
Megjithatë ende ka shumë pakënaqësi rreth këtij turneu, ku shumë persona janë ende të paqartë rreth formatit të tij. Një prej tyre është edhe ish-trajneri i Arsenalit, Arsene Wenger, i cili e ka shprehur hapur pakënaqësinë e tij në një prononcim për “Bild”.
“Ne duhet të shpëtojmë nga Liga e Kombeve dhe të krijojmë evente që të gjithë njerëzit i kuptojnë. Nëse ju pyesni dikë në rrugë se çfarë është Liga e Kombeve, ata nuk do të arrijnë ta shpjegojnë dot. Ne kemi nevojë për sa më pak kompeticone të tilla. Një Kupë Bote dhe një Kampionat Europian çdo vit do të pritej më mirë nga bota moderne”, deklaron francezi, i cili tashmë ka një post drejtuesi në FIFA. /abcnews.al
