uefa
Igli Nikolli23:16 | 28/03/2020
Futbolli është në kaos. Federatat po bëjnë të pamundurën për të mbyllur kampionatet e ndërprera në mes, por fitorja ndaj koronavirusit është ende larg dhe vështirësitë janë shtuar. Shumë hipoteza janë në tavolinën e drejtuesve të futbollit.
Nuk përjashtohet as fakti që sezoni 2019-2020 të pezullohet dhe zerohet përfundimisht, ashtu siç është shprehur Aleksander Ceferin, presidenti i UEFA-s. Klubi më i goditur do të ishte Liverpool, që e ka siguruar prej kohësh titullin kampion, një trofe që mungon prej 30 vitesh në Anfield.
“Nëse futbolli nuk rifillon së shpejti, nuk ka zgjidhje tjetër: Sezoni do të fshihet! Tre opsionet e fundit që na kanë mbetur, janë: Të rifillojmë sezonin në mes të muajit maj, në qershor ose në fund të qershorit”, thekson mes të tjerash Ceferin në një deklaratë të dhënë për Goal. /abcnews.al
🗣 UEFA president Aleksander Seferin: “If we don’t succeed in restarting, the season will probably be lost.
“The three options are to start again in mid-May, in June or at the end of June.” pic.twitter.com/ZwcVx7nHQm
— Goal (@goal) March 28, 2020
Veronik Istrefaj21:37 | 28/03/2020
Taulant Xhaka mbush sot 29 vjeç. Mesfushori kuqezi ka bërë shumë ndeshje të mira për Shqipërinë gjatë karrierës së tij, por ajo sfidë nga Izraelit, ku shënoi dhe golin e vetëm të sfidës, do të mbetet gjatë në memorien e tij.
Ndoshta goli më i bukur në karrierën e Xhakës, me mesfushorin shqiptar që nuk njihet për golat e tij, por për luftën e ashpër sportive. Në këtë ditë të shënuar të mesfushorit kuqezi, faqja zyrtare e UEFA Euro 2020 e ka publikuar golin e Taulant Xhakës, ndoshta si “dhuratë” për ditëlindje. Një supergol!/abcnews.al
Vladimir Prenga12:22 | 28/03/2020
Aleksander Ceferin, presidenti i UEFA-s, ka folur së fundmi për “La Repubblica”dhe normalisht një temë e rëndësishme ishte ajo ë fillimit të kampionateve në Europë dhe merkato. “Nëse klubet nisin të luajnë, edhe ne mund t’i mbarojmë kupat e Europës.
Pastaj, për vitin e ardhshëm mund të rregullohet numri i ndeshjeve në funksion të kampionatit Europian”, shprehet fillimisht Ceferin, i cili më pas flet edhe për transferimet e lojtarëve dhe lë të kuptohet se po mendohet që futbollistët, të cilëve kontrata u mbaron këtë verë, të qëndrojnë deri në janar në ekipet aktuale.
“Nëse sezoni nis përsëri, do të ishte i nevojshëm një kompromis. Tregu duhet të jetë i përshtatshëm. Ju nuk mund t’i thoni një lojtari të luajë deri në fund të gushtit dhe pastaj ai nuk mund të ndryshojë skuadër sepse merkato është mbyllur”, mbyll presidenti i UEFA-s, Aleksander Ceferin. /abcnews.al
Vladimir Prenga11:55 | 27/03/2020
UEFA nuk pushon së punuari, pasi duhet gjetur një zgjidhje për kampionatet. Synimi është 12 kampionatet, nga të cilat ka garues në Champions League dhe Europa League, të rinisin. Kjo për të mos i dhënë avantazh asnjë skuadre në kompeticionet europiane. Problemi kryesor është që në maj është e vështirë të rinisin kampionatet dhe opsioni tjetër është që të luhet përtej mesit të gushtit.
Dy opsione janë në tavolinë, që ndeshjet të luhen sikurse është kalendari tani, me ndeshjet e kampionateve në fundjavë dhe sfidat e europian enë mesjavë. Skenari tjetër është që të luhen fillimisht ndeshjet e kampionateve dhe kupave kombëtare, këto deri në mesin e muajit korrik.
Më pas të zhvillohet Champions League dhe Europa League, me finalet që do të luhen një javë pas mesit të gushtit. Kështu do të kishte 7-10 ditë pushim para nisjes së sezonit të ri, që mund të shtyhet për në 12 shtator dhe për t’u mbyllur më pas deri më 1 qershor të vitit 2021.
Nëse do të ndodhë që kampionatet të mos nisin edhe në mes të qershorit, atëherë do të vendosej në rrezik sezoni pasardhës dhe ndryshimi i formatit të Champions dhe Europa League do të jetë i detyrueshëm, duke i bërë gjysmëfinalet me një takim dhe më pas finalja të luhet pas 2-3 ditësh. /abcnews.al
Vladimir Prenga11:58 | 26/03/2020
UEFA, FIFA dhe federatat e futbollit anembanë Europës janë në një pozicion të vështirë. Pandemia prej Coronavirusit i ka vënë të gjithë në vështirësi dhe për momentin futbolli është ndalur thuajse kudo. Para pak kohësh UEFA vendosi të shtyhej EURO 2020, ndërkohë që një ditë më parë u shtynë edhe Lojërat Olimpike.
Direktiva e parë e qeverisë evropiane të futbollit ishte përfundimi i kampionateve deri më 30 qershor. Kjo duket një ide që nuk mund të vihet në jetë, pasi situata ende nuk njeh përmirësim dhe gjasat janë që të mos mund të rifillohet të luhet deri në qershor.
Zgjidhja, sipas asaj që raporton italiania Corriere dello Sport, është që të vazhdohet deri në muajin gusht. Presidenti i FIGC, Gravina, e tha diçka të tillë një ditë më parë dhe plani është që deri në mesin e korrikut të mbarojnë kampionatet dhe kupat.
Pasi të ndodhë kjo, mendohet që të zhvillohen Europa League dhe Champions League, pjesa e mbetur e këtyre garave. Sigurisht nuk ka asgjë përfundimtare dhe bisedimet vazhdojnë. Ajo që dallohet qartë, është se të gjithë duan që sezonin aktual futbollistik duan ta mbyllin në fushë dhe arsyet janë më së shumti financiare. /abcnews.al
Igli Nikolli17:23 | 25/03/2020
UEFA vendosi të përjashtonte Manchester City nga kompeticionet europiane për dy sezonet e ardhshme. Problemet në FPF (fair-play financiar) ndikuan në vendimin e 14 shkurtit, teksa kampionët e Anglisë u gjobitën edhe me 30 milion euro
Klubi i City pretendon se ka çdo bilanc në rregull dhe ka dërguar çështjen në CAS. (Gjykata e Arbitrazhit Sportiv). Ndërkaq, janë tetë klube në Premier që kërkojnë që “Cityzens” të përjashtohet, pasi shkelja e këtyre rregullave ka bllokuar mundësinë e klubeve të tjera të jenë pjesëmarrëse në kompeticionet europiane.
Situtata emergjente në botë mund të çojë në trajtimin e kësaj cështje në një kohë më të largët dhe kështu City mund të marrë sërish të drejtën e pjesëmarrjes në Champions League për edicionin e ardhshëm. Ndërmjet tetë klubeve në Premier që duan përjashtimin e Sitit janë edhe: Liverpool, Chelsea, Manchester United e Arsenal. /abcnews.al
Veronik Istrefaj18:54 | 23/03/2020
Finalet e Champions League, Europa League dhe Champions League për femra, janë shtyrë. Këto tre finale, ishin planifikuar të zhvilloheshin në muajin maj, por janë shtyrë në një datë të papërcaktuar.
“Si rezultat i COVID-19 në Evropë, UEFA sot ka marrë zyrtarisht vendimin për shtyrjen e ndeshjeve të mëposhtme, të planifikuar fillimisht për muajin maj 2020:
Finalja e UEFA Champions League
Finalja e UEFA Europa League
Finalja e UEFA Champions League (Femra)
Ende nuk është marrë asnjë vendim për datat kur do të luhen këto sfida. Grupi i punës, i krijuar javën e kaluar si rezultat i thirrjes në konferencë midis palëve të të futbollit europian, i cili u kryesua nga presidenti i UEFA-s, Aleksander Ceferin, do të analizojë opsionet e mundshme. Grupi tashmë ka filluar ekzaminimin e kalendarit. Njoftimet do të bëhen në kohën e duhur”, shkruhej në njoftimin e UEFA-s./abcnews.al
As a result of the COVID-19 crisis, UEFA has today formally postponed the following finals, originally scheduled for May 2020.@UWCL@EuropaLeague@ChampionsLeague
No decision has yet been made on rearranged dates. Further announcements will be made in due course.
— UEFA (@UEFA) March 23, 2020
Igli Nikolli11:57 | 23/03/2020
Futbolli do të ndryshojë dhe diçka e tillë u paralajmërua nga Gianni Infantino, presidenti i FIFA-s. Kompeticionet europiane do të pësojnë modifikime, duke nisur nga numri i ndeshjeve. Ditën e nesërme do të bëhet një mbledhje e UEFA-s në lidhje me kalendarët.
Corriere dello Sport raporton presidenti Aleksander Ceferin pritet të ulë numrin e ndeshjeve në Champions League dhe Europa League. Jo vetëm kaq, pasi do të hiqen edhe ndeshjet e kombëtareve në muajin qershor.
Objektivi primar është që të mbyllet kampionatet e këtij sezoni, por koronavirusi nuk po frenohet, madje e kundërta. Po Serie A? Tre janë opsionet. I pari ka të bëjë me rinisjen e ndeshjeve në 2-3 maj dhe zhvillimin e shumë ndeshjeve në këtë muaj, ndërsa dy opsionet e tjera janë rinisja e Serie A me 9-10 maj ose 16-17 maj. /abcnews.al
Vladimir Prenga08:15 | 20/03/2020
Serie A dhe të gjitha kampionatet elitare duhet të përfundojnë më 30 qershor. Plani është që kampionati të nisë në fillim të muajit maj, me datë 3, dhe shpresohet që deri atëherë situata të jetë përmirësuar dhe të mos ketë më të prekur me COVID-19.
Veçse për kampionatet, një zgjidhje duhet gjetur edhe për Champions League dhe Europa League. Edhe këto dy kompeticione janë në garë e sipër dhe UEFA po mendon për kalendarin dhe duhet të këshillohet edhe me klubet e ligat.
Së fundmi ka pasur një propozim që të ketë takime të Champions League dhe Europa League në fundjavë, por klubet italiane nuk janë dakord dhe duan që t’i kenë të rezervuar fundjavat për ndeshjet e kampionatit. Në këto kushte duhet gjetur një zgjidhje tjetër. /abcnews.al
Vladimir Prenga14:01 | 19/03/2020
UEFA vendosi pak ditë më parë të shtynte EURO 2020 për verën e ardhshme, ndërkohë që kampionatet duhet të mbyllen deri më 30 qershor. Një vendim i detyruar, pasi për momentin janë pezulluar të gjitha aktivitetet sportive në shumicën e vendeve të Europës.
Nuk bën përjashtim Anglia, që po mendonte të vazhdonte normalisht. Pas Mikel Arteta dhe disa lojtarë dolën pozitivë me COVID-19 u mori vendimi që të mos luhej. Tashmë duhet çuar gara deri në fund dhe rregullorja e FA thotë sezoni duhet të mbyllet para 1 qershorit.
Ditën e sotme ka pasur një takim mes FA, Premier League, EFL dhe ligën profesioniste të femrave dhe është vendosur që ky sezon të përfundojë me 30 qershor, sikurse edhe UEFA u ka sugjeruar 55 federatave anëtare në qeverinë e futbollit europian.
Sa i takon fillimit të kampionatit, në komunikatë thuhet se do të ndiqen këshillat e qeverisë dhe do bashkëpunohet për ta arritur në një vendim të pjekur dhe të mos nxitohen në nisjen e garës pa qenë kushtet e duhura. /abcnews.al
Our board has agreed to extend the 2019-20 professional football season indefinitely, with leagues and competitions now suspended until at least 30 April.https://t.co/tVh1EadOta
— The FA (@FA) March 19, 2020
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
08:29 | 29/03/2020
08:14 | 29/03/2020
