Serumet kundër plakjes, të njohur gjithashtu si serume, kohët e fundit janë bërë një domosdoshmëri dhe kanë fituar një vend të veçantë në qesen me kremrat tanë.
Ata sigurisht premtojnë shumë, por ne i kërkuam dermatologëve të na tregonin nëse për serumet me të vërtetë ia vlen koha dhe parat.
Çfarë saktësisht janë serumet?
“Ato janë të lehta, thithëse dhe përmbajnë antioksidantë të tillë si vitaminat C dhe E, acid glikolik, kafeinë ose peptide dhe janë krijuar për të siguruar nivele të larta të këtyre përbërësve drejtpërdrejt në lëkurë”, shpjegon Joshua Zeichner, drejtor i kozmetikës dhe hulumtimeve klinike në Dermatologji në Spitalin Mount Sinai në New York. Për shkak se ato nuk përmbajnë vaj – serumet përmbajnë rreth 90% ujë, duke mos lënë mbetje vajore në lëkurë.
Kur t’i vendos në fytyrë?
“Përdorni një serum menjëherë pasi të keni pastruar fytyrën tuaj dhe para se të vendosni krem hidratues ose krem kundër diellit”, tha Dr. Neal Schultz, themelues i DermTv.com dhe krijues i BeautyRx. Ashtu si me produktet kozmetike, ashtu edhe me produktet e kujdesit për fytyrën kalojmë nga më të lehtat në ato më të rëndat. Sa i përket përdorimit të tyre, dmth kur është më mirë të aplikohet: në mëngjes ose në mbrëmje, përgjigjja është një natë para gjumit sepse ato funksionojnë më mirë dhe nuk konkurrojnë me kremrat kundër diellit. E njëjta gjë vlen edhe për acidin glikolik dhe retinolin, sepse këta përbërës mund ta bëjnë lëkurën tuaj të ndjeshme, veçanërisht kur ekspozoheni në diell. Një sasi e vogël e serumit, sa madhësia e një bizele, është e mjaftueshme për fytyrën tuaj.
Cila është mosha më e mirë për t’i zbatuar ato?
“Ju kurrë nuk jeni shumë i ri për të filluar të përdorni një antioksidant”, thotë Dr. Schultz. Përbërësit e serumit ndihmojnë në parandalimin e plakjes ndërsa riparojnë çdo dëm që është bërë. Shumica e serumeve janë të mira për të gjitha llojet e lëkurës, ndërsa ka serume me përbërës që funksionojnë më mirë në lëkura të veçanta. Me rëndësi është të dini:
- Vitamina C ndriçon njollat kafe.
- Acidi glikolik zbut strukturën e lëkurës dhe zvogëlon shfaqjen e poreve të mëdha dhe vijave të holla.
- Kafeina ndihmon në shtrëngimin e lëkurës.
- Acidi hialuronik ofron hidratim, ideal për njerëzit me lëkurë të thatë.
- Ata që gjithashtu kanë linja të imëta në fytyrën e tyre duhet të përdorin serume që përmbajnë retinol, peptide ose antioksidantë.
- Nëse lëkura juaj është e ndjeshme, provoni më parë serumin në një zonë të vogël: Prisni derisa fytyra juaj të thahet plotësisht nga pastrimi dhe më pas vendosni serumin ndërsa përbërësit depërtojnë më thellë në lëkurën e lagur.
Çfarë ndryshimesh mund të pres?
Varet nga produkti që përdorni, por në përgjithësi, do të zbuloni se lëkura juaj do të hidratohet më mirë me acid hialuronik dhe në vetëm disa javë përdorimi njollat kafe do të shkëlqejnë dhe pamja e vijave të imëta dhe rrudhave do të përmirësohet. l.k/abcnews.al
