Harry Maguire përfundon sërish në shënjestrën e tifozëve të Manchester United. Një pjesë e konsiderueshëm e tyre mendojnë se mbrojtësi anglez nuk e meriton shiritin e kapitenit, pasi nuk ka autoritet veç paraqitjeve jo në nivelin e pritshëm.
Ata janë bindur për këtë edhe më shumë pas ndeshjes që Manchester United e humbi me rezultatin 1-6 kundër Tottenham. Kur ishin bërë rreth gjysmë ore lojë, në fushë pati një përplasje mes Erik Lamela dhe Anthony Martial.
This just makes me miss Roy Keane! Embarrassing reaction. Just confirms @HarryMaguire93 will never lift a trophy as United captain. No fight at all, not a winner.
— NBeevz (@NBeevz) October 6, 2020
Arbitri i ndeshjes ndëshkoi francezin e “Djajve” me karton të kuq, kurse lojtarin e Tottenham vetëm me të verdhë. Rashford nuk ishte dakord me vendimin e marrë dhe kishte një mesazh për arbitrin: “Asgjë për atë bërryl. (pas të verdhit) Pse, është turp”.
Maguire mendon se ndërhyrja nuk ishte e dhunshme, ndryshe nga Rashford dhe videoja e publikuar në Twitter ka marrë reagime të ndryshme. Sigurisht që tifozëve nuk u ka pëlqyer reagimi i kapitenit të tyre dhe një pjesë e tyre shkruajnë se i duhet hequr shiriti dhe t’i jepet portugezit Bruno Fernandes. / abcnews.al
