Duket si një anije kozmike, por në sytë e një prej prodhuesve kryesorë të avionëve në botë, është padyshim e ardhmja. Airbus ka zbuluar tre koncepte për avionin e parë komercial me emisione zero në botë që mund të hyjë në shërbim deri në vitin 2035. Konceptet mbështeten tek hidrogjeni si një burim kryesor i energjisë, një opsion që Airbus beson se do të jetë një zgjidhje për hapësirën ajrore për të përmbushur objektivat e tyre ndaj klimës.
Të tre konceptet, me emrin “ZEROe” përfshijnë një dizajn turbofan (120-200 pasagjerë) me një diapazon prej 2,000+ milje detare, i mundësuar nga një motor i turbinave me gaz të modifikuar që punon me hidrogjen. Hidrogjeni i lëngët do të ruhet dhe shpërndahet përmes depozitave të vendosura prapa pjesës së përparme të presionit.
Një dizajn turboprop (deri në 100 pasagjerë) duke përdorur një motor turboprop në vend të një turbofan dhe gjithashtu mundësohet nga djegia e hidrogjenit në motorët e modifikuar të turbinave me gaz, të afta gjithashtu për të udhëtuar më shumë se 1.000 milje detare, duke e bërë atë një mundësi perfekte për udhëtime.
Si dhe një koncept “me trup të krahut të përzier” (deri në 200 pasagjerë), në të cilin krahët bashkohen me trupin kryesor të avionit me një diapazon të ngjashëm me atë të konceptit turbofan. “18 muaj më parë, kur njerëzit flisnin për hidrogjenin në industrinë e hapësirës ajrore, mendonin se ishe paksa i çmendur”, tha Iain Gray për CNN Travel. xh.d/abcnews.al
