Super Everton! Djemtë e Carlo Ancelottit mposhtën 4-2 në shtëpi Brighton, duke arritur fitoren e katërt në po kaq javë kampionat dhe duke kryesuar me pikë të plota. Tjetër performancë fantastike për ekipin nga Liverpuli, që këtë sezon synon të renditet në katërshen e parë.
3️⃣ more points for Everton #EVEBHA pic.twitter.com/DHkxrmhhl2
— Premier League (@premierleague) October 3, 2020
Dominic Calvert-Lewin (rrjeta e gjashtë në 4 javë kampionat), Yerry Mina dhe James Rodriguez me anë të një dygolëshi, ishin autorët e golave për vendasit, teksa francezi Neal Maupay dhe Yves Bissouma realizuan për miqtë.
Evertoni po shfaq një formë të mrekullueshme dhe e ka nisur sezonin e ri në Premier League në mënyrën më të mirë të mundshme. 12 pikë të plota në kampionat dhe triumfi i shtatë radhazi duke llogaritur edhe tre sukseset në EFL Cup. /abcnews.al
