Konfirmohen 79 raste të reja me COVID-19 dhe 2 viktima në 24 orët e fundit në Kosovë

Në Kosovë, në 24 orët e fundit janë konfirmuar 79 raste të reja me COVID-19 dhe 2 viktima.

Instituti Kombëtar i Shëndetësisë Publike të Kosovës (IKSHPK) njoftoi se brenda ditës janë testuar gjithsej 596 mostra të marra nga ShSKUK dhe gjurmimi i kontakteve të rasteve në terren.

Rastet pozitive janë nga: komuna Prishtinë 23 raste, komuna Vushtrri 9 raste, komuna Gjakovë 8 raste, komuna Gjilan 7 raste, komuna Lipjan 5 raste, komuna Deçan 3 raste, komuna Fushë Kosovë 3 raste, komuna Kaçanik 3 raste, komuna Mitrovicë 3 raste, komuna Prizren 3 raste, komuna Viti 3 raste, komuna Drenas 2 raste, komuna Pejë 2 raste dhe me nga një rast komunat Ferizaj, Malishevë, Podujevë, Skenderaj dhe Suharekë.

Po ashtu, në 24 orë, betejën me Covid-19 në vend e humbën 2 persona. Bëhet fjalë për 1 rast nga Klinika e Pulmologjisë, QKUK dhe 1 rast nga Spitali rajonal Pejë.

Numri total i rasteve pozitive është 15,142 nga 62.607 persona të dyshimtë në virusin SARS-CoV-2 dhe ndërsa, bilanci i vdekjeve është 615.

Gjatë 24 orëve të fundit, janë shëruar 104 pacientë kurse numri i përgjithshëm i të shëruarve deri më sot është gjithsej 12,674. Aktive mbeten 1.853 raste. s.b/abcnews.al/