Loading ...
Ish çifti hollivudian Brad Pitt dhe Jennifer Aniston kanë surprizuar fansat e tyre, pasi u bënë bashkë për një projekt virtual. Brad dhe Jennifer u bashkuan sërish në një interpretim live të filmit “Fast Times At Ridgemont High”, të cilët luajtën rolet e dy studentëve të shkollës së mesme.
Duke interpretuar karakterin e Barrett, Aniston i drejtohet Pitt që luan në rolin e Brad Hamilton duke i thënë: “Çkemi Brad, gjithmonë kam menduar që je shumë i lezetshëm. Je shumë seksi. Do të vish tek unë”. Kjo deklaratë, pjesë e skenarit në fakt ka tërhequr vëmendjen për faktin se dyshja kanë qenë së bashku dikur, të cilët u ndanë në vitin 2005.
Pitt dhe Aniston kanë “rindezur” miqësinë e tyre gjatë viteve të fundit dhe u fotografuan së bashku në janar 2020 në “Screen Actors Guild Awards”.
Ngjarja kishte për qëllim për të mbledhur fonde për organizatën jofitimprurëse të Komunitetit të Organizuar të Ndihmës së Sean Penn, dhe yjet që u bashkuan me këtë ngjarje përfshinin ndër të tjera ishin Morgan Freeman, Henry Golding, Jimmy Kimmel, Shia Labeouf, John Legend, dhe Julia Roberts. xh.d/abcnews.al
