Brigjet greke janë prekur nga cikloni, i shoqëruar me erëra të forta dhe shira të rrëmbyeshëm. Kefalonia, Ithaca dhe Zakynthos në Greqi janë tashmë në vorbullën e ciklonit.
“Ka dëme por ato nuk kanë rrezikuar jetën e njerëzve”, tha së fundmi zëvendës Ministri i Mbrojtjes Civile Nikos Hardalias, pas takimit në mëngjes të Mbrojtjes Civile, në lidhje me ecurinë e motit të keq.
LEXO EDHE: VIDEO/ Cikloni godet brigjet greke, çfarë po ndodh në zonat e prekura
“Ne mbetemi në gatishmëri absolute,” tha nënsekretari i Mbrojtjes Civile dhe Menaxhimit të Krizave, duke paralajmëruar momentin kritik dhe duke deklaruar se orët e ardhshme do të jenë shumë kritike, shkruan Kathimerini, përcjell abcnews.al.
Sipas Hardalias, priten fenomene të tjera të motit intensiv dhe reshje të mëdha shiu.
LEXO EDHE: Përkeqësohet moti në Jon, ndiqeni LIVE “rrugën” e ciklonit mesdhetar
Siç përmendi ai, ndërprerjet e energjisë janë regjistruar në Zakynthos, Kefalonia dhe Ithaca, megjithatë, po punohet për ta rikthyer atë.
“Cikloni do të qëndrojë në perëndim për 6-9 orë dhe më pas do të lëvizë në jug“, shtoi ai.
Ndiqni LIVE rrugëtimin e ciklonit përmes Greqisë
g.v/abcnews.al
