Eduardo Camavinga është një nga talentet më të mëdhenj të futbollit francez. Vetëm 17 vjeç, aktivizohet në qendër të mesfushës dhe luan si titullar me Rennes, ekip që sivjet do të luajë në grupet e Champions League.
Adoleshenti, i cili debutoi me “Gjelat” e Deschamps pak ditë më parë, pati shumë oferta gjatë verës. Real Madrid e kërkoi me insistim, por ai refuzoi “Los Blancos” dhe zgjodhi të vijonte të rritej te Rennes, vendim për të cilin flet në një prononcim për Téléfoot.
LEXO EDHE: Mbrëmje magjike për Camavinga, adoleshenti i talentuar në historinë e Francës
“Është kënaqësi kur një klub i madh interesohet për ty, por nuk rrëmbehem nga zërat e merkatos. Vendosa të mos largohem nga Rennes, e mora këtë vendim bashkë me familjen time dhe jemi të lumtur që vendosëm të qëndronim.
Duhet të përqendrohem vetëm te futbolli dhe të mos mendoj shumë për çfarë ndodh jashtë fushës. Jeta ime është shumë e bukur në këtë periudhë, po e shijoj në maksimum“, deklaron Eduardo Camavinga. /abcnews.al
