Universiteti i Mjekësisë vijon të krijojë çdo ditë lajm për mënyrën se si nuk duhet të sillen në raport me koronavirusin duke shkelur çdo protokoll sigurie me qëllim shmangien e përphapjes së infeksionit edhe pse kemi të bëjmë me mjekë.
Sëfundmi, sërish nga fotot e publikuara nga vetë Universiteti i Mjekësisë, kanë dalë imazhet e mbledhjes për prezantimin e Prof.Dr.Xheladin Draçicit si dekan të Fakuletit të Mjekësisë.
Lexo edhe: Dje fshiu djersët, sot e hoqi fare: Rektori i “Mjekësisë”, s’i ka fare mirë raportet me maskën
Draçini është parë të hyjë në këtë mbledhje me maskë dhe doreza. Në lidhje me këto të fundit, OBSH ka këshilluar përdorimin e tyre vetëm në ambientet spitalore dhe kur ka kontakt direkt të stafit me të sëmurët, dhe jo si masa mbrojtëse nga koronavirusi.
Madje, OBSH e sheh përdorimin në ambiente të papërshtatshme të tyre si një shkak për përhapjen e virusit, shkruan abcnews.al.
Por, duket se mjekët e Universitetit të Mjekësisë nuk e kanë parasysh këtë fakt duke shkelur çdo protokoll.
Lexo edhe: Rektori i Universitetit të Mjekësisë maskën nuk e përdor vetëm për mbrojtje, por edhe për djersët
Më herët, kamerat fiksuan momentin kur Rektori i Universitetit të Mjekësisë, Arben Gjata fshin djersët me maskën teksa ishte i ftuar në Presidencë.
Një ditë më pas, sërish Gjata dhe Xheladini u fiksuan nga aparati fotografik teksa festonin marrjen e detyrës nga ky i fundit me një kokteilj në prani edhe të personave të tjerë, duke shkelur kështu një tjetër protokoll sigurie. /abcnews.al
