Një shpërthim i linjës së gazit që shkaktoi një ndërprerje të energjisë në Siri të hënën ishte rezultat i një sulmi “terrorist”, sipas qeverisë.
Kanali televiziv Ikhbariya publikoi pamjet e një zjarri të madh pas shpërthimit, për të cilin zyrtarët thanë se ndodhi midis qyteteve Ad Dumayr dhe Adra, në veriperëndim të kryeqytetit të Damaskut. Mediat më vonë deklaruan se zjarri ishte shuar, shkruan Reuters.
“Vlerësimet tregojnë se shpërthimi … ishte rezultat i një sulmi terrorist,” sipas ministrit Ali Ghanem, por duke mos dhënë detaje të mëtejshme.
Në vitin 2013, pjesa më e madhe e Sirisë u godit nga një ndërprerje e energjisë pasi rebelët shpërthyen një tubacion gazi gjatë luftës civile të vendit.
Sistemi i gazsjellësit shtrihet nga Egjipti në Jordan dhe Siri./abcnews.al
