Sulmuesi i Borussia Dortmund, Jadon Sancho, ka disa kohë që flitet se do të largohet nga gjermanët. Ylli i kombëtares angleze shkëlqeu këtë sezon në Bundesliga dhe klubet e Premier League janë vënë në lëvizje për ta transferuar.
Drejtuesit e klubit gjerman e mendojnë edhe largimin e 20-vjeçarit dhe janë futur në merkato për të gjetur një zëvendësues. Sipas gazetës gjermane “Bild”, objektivi kryesor është sulmuesi i Lyonit, Memphis Depay.
Holandezi, i cili ka disa kohë i dëmtuar, ka dhe një vit tjetër kontratë me francezët, por nëse Sancho largohet atëherë drejtuesit nuk mund të presin deri në qershorin e vitit 2021.
Vlera e Depay vlerësohet diku te 44 milion euro, shifër kjo e përballueshme për klubi gjerman. Sidomos duke llogaritur këtu dhe milionat që do të përfitojë nga shitja e sulmuesit anglez, për të cilin kërkohen 120 milion euro. /abcnews.al
