Flamurtari zhvilloi një ndeshje të mirë në kryeqytet, por nuk ia doli të frenonte Tiranën kryesuese, që triumfoi 2-0. Trajneri i ekipit vlonjat, Marcello Troisi foli pas takimit për Supersport, duke vlerësuar paraqitjen e ekipit të tij, teksa u ndal edhe tek e ardhmja.
“70 minuta kemi bërë një ndeshje të mirë, më pas hasëm probleme. Po luajmë shumë mirë nga ndeshja në ndeshje, ekipi ka rritje. Tirana ka një ekip me eksperiencë, ne kemi një ekip të ri. Mendoj se ishte një ndeshje shumë e mirë për ne.
Rrapaj? Ai është lojtar shumë i mirë dhe i talentuar. Besoj se do të luajë edhe sezonin e ardhshëm me Flamurtarin. E ardhmja? Kam folur me presidentin. Do të shikoj çfarë do të bëj, ende nuk kam firmosur një kontratë. Të përfundojmë njëherë këtë sezon“, deklaroi trajneri i Flamurtarit. /abcnews.al
