flamurtari

olsi-gocaj.jpg
Vladimir Prenga08:53 | 27/03/2020

Karantina i ka bërë njerëzit shumë kreativë.  Të gjithë mendojnë si të tërheqin vëmendjen me lojërat e tyre në rrjetet sociale dhe deri më tani ka pasur shumë gjëra interesante, që u kanë ngritur humorin njerëzve.

Edhe në Shqipëri nuk mbeten pas dhe së fundmi është Olsi Gocaj ai që ka postuar një video në llogarinë e tij në “Instagram”. Shkodrani, i cili në verë iu bashkua skuadrës së Flamurtarit të Vlorës, ka inskenuar një ditë gjuetie.

SHIKO EDHE: “Coronavirus Party”, ylli i Milanit harbohet keq në shtëpi (VIDEO)

Gocajt i pëlqen shpesh të dalë të gjuajë, ndërkohë që videon që ka postuar nuk ka as nevojë ta komentosh. Skenari, regjia, aktrimi dhe gjithçka është perfekte… /abcnews.al

hoxhaj.jpg
Vladimir Prenga11:35 | 23/03/2020

Coronavirusi është tema e çdo diskutimi sot në botë. Mijëra të vdekur dhe një krizë e madhe ekonomike që do të mbetet pas kur e gjithë kjo situatë të kalojë. Në plan të parë është shëndeti i çdo njeriu në këto momente, ndërkohë që armiku është një virus i panjohur që ka mundur shumë njerëz në mbarë botën.

Prej tij ka ndalur edhe futbolli, ndërkohë që edhe emra të njohur të këtij sporti janë prekur dhe po mundohen ta mundin. Frika është e madhe dhe këtë nuk e fsheh dot as sulmuesi i Flamurtarit, Ardit Hoxhaj. Ai përcjell një mesazh përmes një postimi në llogarinë e tij në “Facebook”.

“Hera e parë në jetën time që më ndodh t’i frikësohem një beteje. Nuk e shikoj dot kundërshtarin tim, thjesht kam mësuar armët e tij të forta. Është vërtetë shumë i rrezikshëm, mijëra njerëz kanë vdekur dhe qindra të tjerë vuajnë akoma. Unë akoma nuk e kam parë këtë kundërshtar dhe më ka bërë të shikoj çdo njeri të afërm, familjar, shokë të mi si rrezik se do më  mposhtë përmes tyre.

 

Më ka bërë të shikoj si rrezik natyrën e bukur që na e ka falur Zoti, më ka bërë të shikoj si rrezik pasionin tim dhe punën time, por kam besim se do ia dal ta mposht këtë virus. I vetëm nuk mundem, secili nga ne nuk mundet i vetëm. Duhet të bëhemi të gjithë bashkë, thjesht të ndjekim disa udhëzime që na janë dhënë për të fituar këtë betejë të madhe të njerëzimit.

Të rikthehemi përsëri në jetën normale, të jemi më pranë njëri-tjetrit, të fillojmë të bëjmë gjërat që dashurojmë përsëri, të shijojmë bukurit që na ka falur natyra jonë e bukur. Në fund kjo betejë të na lërë një mësim të madh dhe kurrë nuk është vonë: Të duam qenien njerëzore, natyrën dhe gjithçka që është mbi tokël. Asgjë tjetër nuk ka vlerë, çdo gjë tjetër është thjesht një send”, shkruan Hoxhaj. / abcnews.al

Gjika-e1584360977109.png
Igli Nikolli12:58 | 16/03/2020

Ky sezon ka qenë i errët për Flamurtarin. Probleme rrogash, menaxhim i keq, ecuri e dobët dhe vendi i fundit në kampionat. Skuadra vlonjatë është praktikisht e rrëzuar nga Superiorja dhe sezonin e ardhshëm do të garojë një Kategorinë e Parë.

Një situatë që dhemb te tifozët e shumta të Flamurtarit dhe jo vetëm. Ish-kryetari i Bashkisë Vlorë i menaxhoi për shumë vite kuqezinjtë dhe skuadra konkurronte për trofe në epokën e tij. Shpëtim Gjika është rikthyer pas në kohë me anë të një postimi në rrjetet sociale, aty ku flet me fakte për Flamurtarin e tij.

Kur punët bëhen me projekte, strategji dhe dashuri, edhe pse mund ta nisësh nga zero, rezultati nuk vonon. Këtu jemi në 2004 kur u zhvillua Asambleja dhe Flamurtarin e mori Bashkia!

Ishim në kategori të parë, pa infrastrukturë, dhe siç e shikoni, pas dy vitesh u rikthyem fuqishëm! Shef klubi ishte Sokol Kushta, por drejtor për riorganizimin e klubit në 2005 erdhi Perparim Lushaj! Si drejtor i ekipit, Perparim Lushaj hodhi themelet e rifunksionimit të klubit duke u rikthyer në Superligë!

Ilir Metaj, si shef, e ndërtoi institucionalisht klubin, u përmiresua ndjeshëm infrastruktura dhe u masivizua publiku! Erdhi koha për cilësi sportive, dhe për këtë arsye erdhi Geri Çipi si shef, duke e modernizuar klubin me përvojen e tij ndërkombëtare!

Kemi pasur strategji të ndarë në 4 faza: 1- Rindërtimin e klubit Flamurtari dhe përmirësimin e infrastrukturës! 2- Modernizimin e institucionit, infrastrukturës dhe akademisë! 3- Synimin e cilësisë dhe titujve apo pjesëmarrjes në aktivitetet ndërkombëtare! 4- Përgatitja ligjore për privatizimin e klubit Flamurtari!”, përfundon Gjika. /abcnews.al

kukes-flamurtar.jpg
Vladimir Prenga13:59 | 15/03/2020

Pas Partizanit, edhe te Kukësi e Flamurtari kanë menduar të përcjellin mesazhe sensibiluese për shqiptarët, që duhet  të qëndrojnë në shtëpi gjatë kësaj periudhe të vështirë ku virusi i ri ka prekur dhjetëra shqiptarë dhe ka shkaktuar një viktimë.

Trajneri i Kukësit, Orges Shehi, si dhe portieri Dahamir Xhika, kanë përcjellë mesazhet e tyre, që i klubi i Kukësit i ka postuar në faqen zyrtare në “Facebook”.

Te Flamurtari është kapiteni Andi Ribaj ai që kërkon nga shqiptarët të qëndrojnë në shtëpi, në mënyrë që të gjithë së bashku ta përballojmë këtë situatë jo të lehtë që ka përfshirë gjithë Europën dhe shtete të mëdha si Kina dhe SHBA. /abcnews.al

cyrbja-te-penalltia.jpg
Veronik Istrefaj22:23 | 08/03/2020

Skuadra e Flamurtarit mori një rezultat të mirë sot përballë Teutës në transfertë, barazim 1-1. Madje, ishte ekipi vlonjat që kaloi i pari në avantazh, me anë të një supergoli nga Haruni. Teuta barazoi me anë të Çyrbjas, pasi Moçka i priti penalltinë Kallakut. Për këtë episod, si dhe për një episod tjetër në takimin kundër Tiranës, ekipi i Flamurtarit ka pasur ankesa.

Postimi i Flamurtarit:

“Duke qene se moviolen per Flamurtari F.C nuk e bene asnje nga mediat apo gazetat sportive , detyrohemi ti japim me fakte dhe video .

– Ndeshja Flamurtari F.C vs KF Tirana ne minuten e 37 brenda zones te Tiranes pas goditjes te kendit ka top te prekur me dore nga Sidibe . Dora nuk eshte ne pozicionin natyral dhe per kete arsye duhet dhene 11 m .

– Ndeshja KF Teuta vs Flamurtari F.C pas nje piruete ne zone jepet 11 m ne favor te Teutes. Te dashur arbitra futbollin mos e shikoni si balet vetem ne rastet kur perball si kundershtar eshte Flamurtari F.C. Gjithashtu sipas rregullores goli eshte i pavlefshem sepse Cyrbja eshte nisur para se te ekzekutohet 11-m . Me rregullore thuhet “goli anulohet dhe jepet faull me 2 takime ne favor te mbrojtjes“.

cyrbja-te-penalltia.jpg
Vladimir Prenga20:06 | 08/03/2020

Teuta u ndal në shtëpi me Flamurtarin, që i ndëshkoi durrsakët shumë shpejt dhe në fund mori një pikë. Më shumë u dëmtua skuadra e drejtuar nga Edi Martini, që kishte mundësinë të merrte tre pikët. Gjithsesi ky është futbolli dhe vlonjatët sivjet ia kanë dalë të befasojnë edhe skuadrat e tjera që duan Europën. Madje ia kanë dalë edhe ndaj Tiranës kryesuese të kampionati.

Takimi i sotëm pati edhe momente të diksutueshme sa i takon gjykimit dhe i pari ishte ai i penalltisë së dhënë në favor të durrsakëve. Një kontakt i lehtë, që arbitri Orlando Kuka e gjykoi se ishte 11-metërsh. Interpretimet mund të jenë ndryshme për këtë rast, por në kampin vlonjat e kanë cilësuar si skandaloze.

Penalltia iku, por ka diskutime edhe për ekzekutimin. Kallaku e goditi topin dhe në momentin që e bëri diçka të tillë, në zonë pati disa lojtarë. Arbër Çyrbja ishte ai që u vërsul i pari dhe normalisht do kishte përparësi ndaj lojtarëve të Flamurtarit.

Mesfushori anësor e devijoi topin dhe e ndëshkoi. Normalisht në atë rast goli duhej anuluar, për shkak se Çyrbja ishte në zonë kur Kallaku goditi. Ajo që duket e habitshme është fakti që gjyqtari as që sheh nga lojtarët që futen në zonë, duke ruajtur me shikim vetëm portierin Moçka. /abcnews.al

Ardit-Hoxhaj.png
Vladimir Prenga16:33 | 08/03/2020

Ardit Hoxhaj, sulmuesi i Flamurtarit, u ndal nga trau i portës në pjesën e dytë. “Nuk kisha fat, është edhe cilësia aty. Luajtëm mirë, djemtë u shprehën mirë në përgjithësi. Luajmë për të respektuar fanellën, se na pyesin shumë lojtarët e tjerë”, tha fillimisht vlonjati në emisionin “Gol pas Goli” nw Supersport.

Ai ka një mesazh për arbitrat: “Shikojmë se paragjykohemi nga arbitrat, pasi 90 për qind abuzojmë me ne për të ndihmuar ekipet. Na u duk një penallti skandaloze. Në fushë ashtu na u duk. Arbitrat janë ndeshje pas ndeshje të tilla dhe favorizojnë ekipet kundërshtare. Ne do ta respektojmë garën”.

Në lidhje me ekipin, Hoxhaj shton: “Është krijuar një grup i mirë djemsh. Jemi së bashku, ka pasur raste që individë prishnin garën. E respektojmë fanellën dhe garën deri në fund”. /abcnews.al

Vlora.png
Vladimir Prenga16:11 | 08/03/2020

Dritan Resuli, zëvendëstrajneri i Flamurtarit, pas ndeshjes me Teutën foli për emisionin “Gol pas Gol” në Supersport: “Ka qenë një nga ndeshjet më të mirë që kemi bërë. Kemi futur edhe të rinjtë. Bëmë dy modifikime për shkak të mungesës së Ribaj. Çunat i zbatuan detyrat, kishim momente të mira dhe vështirësi. E menaxhuam situatën pas golit të barazimit. Kishim edhe mundësi shënimi më pas”.

“Afrimi i tre brazilianëve na ka dhënë ndryshim në anën sulmuese. Na ka penalizuar shumë mungesa e lojtarëve, duke përshtatur lojtarë në pozicione  të ndryshme. Kemi punuar shumë në stërvitje dhe kjo ka sjellë ndryshim”.

“Ruajtja e këtij grupi? Unë flas për gjendjen aktuale. Kemi shpresa te një grup lojtarësh që po rritet. Nuk jam personi përgjegjës për të dhënë një përgjigje”. /abcnews.al

luftetari-Bylisi.jpg
Vladimir Prenga15:54 | 08/03/2020

Spektakël në Durrës dhe Gjirokastër, por asnjë fitues. Sigurisht Bylisi dhe Teuta janë mërzitur, pasi barazimet e sotme me shifrat 1-1 nuk u shkojnë për shtat për vetë objektivat që kanë. Gjithsesi duhen vlerësuar paraqitjet e bëra nga Flamurtari dhe Luftëtari, që edhe mund të kishin triumfuar nisur nga rastet që kishin. Të rëna nga kategoria, por ia dalin të ndalojnë dy skuadra që duan Europën.

KATEGORIA SUPERIORE – JAVA 26
E diel, më 8 mars 2020, ora 14:00

Luftëtari-Bylisi 1-1
Shënues:
Lika 44’ / Guindo 35’ (pen.)
Teuta-Flamurtari 1-1
Shënues:
Çyrbja 53’ / Haruni 13’

BARAZIMI NË DURRËS – Teuta dhe Flamurtari luftuan shumë për të marrë pikët e plota, por në fund u detyruan të mjaftohen me nga një pikë. Vlonjatët arritën të befasojnë shumë shpejt dhe ishte Shaqir Haruni që me një lëvizje mjaft të bukur shtangu portierin Frashëri dhe shënoi.

Hoxhaj iu afrua edhe golit të dytë, por portieri i Teutës nuk e lejoi diçka të tillë. Fraksioni i parë i lojës u mbyll me epërsinë e Flamurtarit, kurse më pas durrsakët u hodhën në sulm për të gjetur  golin e barazimit.

Shumë shpejt morën një penallti, që u godit nga Kallaku. Portieri Moçka e priti, por Çyrbja e gjurmoi topin dhe shënoi golin e barazimit. Hoxhaj më vonë për vlonjatët goditi traun, ndërkohë që durrsakët patën disa raste për të shënuar, pa ia dalë dot. Kështu gjithçka u mbyll në barazim 1-1.

BYLISI NUK DI TË FITOJË – Ballshiotët e Dovedan sërish nuk ia dolën të fitojnë në kampionat. Edhe pse shënuan të parët, me një penallti të kthyer në gol nga Guindo, Bylisi nuk triumfoi. Gresild Lika në fund të pjesës së parë i ndëshkoi miqtë me një goditje dënimi.

Sulmuesi anësor mund të shënonte sërish, por u ndal nga portieri Miraka. Goxha për Bylisin iu afroi golit të epërsisë, sikurse edhe Çela për Luftëtarin. Raste të shumta pati deri në fund, por rezultati 1-1 nuk ndryshoi. /abcnews.al
teuta-flamurtati.jpg
Vladimir Prenga14:48 | 08/03/2020

Takime interesante në Superiore dhe tre gola të shënuar. Flamurtari po kryeson në Durrës kundër Teutës, falë një goli të shënuar nga Shaqir Haruni. Lojtari vlonjate realizoi një gol shumë të bukur në portën e Frashërit.

Vendasit u hodhën në sulm për të barazuar, por mund të kishin pësuar edhe tjetër gol. Frashëri u bë shpëtimtar në një rast me Ardit Hoxhajn, i cili lëshoi një diagonale të fortë në hyrje të zonës. Gjithsesi pjesa e parë u mbyll 0-1, me golin e Harunit në fuqi.

NDESHJA NË GJIROKASTËR – Pjesa e parë është mbyllur në barazim 1-1 dhe ishte Bylisi që shënoi i pari me të zakonshmin, Saliou Guindo. Sulmuesi fitoi një penallti dhe e ktheu në gol, duke i dhënë epërsinë skuadrës së Dovedan.

Gjithsesi nuk e ruajtën dot epërsinë, pasi Gresild Lika një minutë para fundit të kohës së rregullt realizoi përmes një goditjeje dënimi. Topi plasi në tokë fillimisht dhe më pas u ndal në rrjetë, me Mirakën që nuk mundi të bënte asgjë. /abcnews.al

KATEGORIA SUPERIORE – JAVA 26
E diel, më 8 mars 2020, ora 14:00

Luftëtari-Bylisi 1-1
Shënues:
Lika 44’ / Guindo 35’ (pen.)
Teuta-Flamurtari 0-1
Shënues:
Haruni 13’


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono