Loading ...
Flamurtari fitoi ndeshjen e parë finale përballë Partizanit me shifrat 90-58, duke e nisur me këmbën e mbarë fazën “play-off” për titullin kampion ne basketboll per femra.
Ndeshja u dominua nga ekipi vlonjat, i cili krijoi menjëherë diferencë në pikë ndaj kundërshtarit, duke e mbyllur periodën e parë me 10 pikë avantazh.
Ritmi i mirë për Flamurtarin vijoi edhe në periodën e dytë, me skuadrën që e mbylli pjesën e parë në avantazhin 39-26.
Menjëherë pas pushimit, ishte sërish Flamurtari që luajti më mirë duke thelluar diferencën në shifrat 61-35.
Partizani ishte I pafuqishëm për të reaguar ndaj të ekipit vendas, që me përkrahjen e tifozëve vulosi fitoren me rezultatin 90-58, për të nisur në mënyrë më të mirë finalet për titullin kampion.
Finalja e dytë mes Flamurtarit dhe Partizanit është në program të mërkurën në kryeqytet.
