Andres Iniesta ka dhënë një intervistë të gjatë dhe flet për shumë çështje. Mesfushori, i cili vendosi të mos pranojë asnjë ofertë nga Europa pas largimit të Barcelonës, nuk mund të flasë për një trajner si Pep Guardiola, si dhe për Leo Messin. Intervistën e ka dhënë për Corriere Dello Sport dhe normalisht përballjet me klubet italiane, si dhe një koment për Zlatan Ibrahimovic nuk mungojnë.
MESSI E GUARDIOLA – “Guardiola është një trajner spektakolar, në çdo lloj kuptimi të kësaj fjale. Ai ka trajnuar një grup futbollistësh që janë rritur me një mënyrë loje dhe me shumë talent. Messi është numri një, sepse ka gjithçka dhe arrin të jetë vendimtar në të gjitha ndeshjet prej vitesh. Nuk kam parë lojtar kaq të vendosur të fortë sa ai. Leo është i paarritshëm dhe nuk mund të krahasohet me Cristiano Ronaldon”.
ZLATAN IBRAHIMOVIC – “Ibra përshtatet me çdo lloj futbolli dhe çdo shok skuasdre. Një lojtar si ai mund të jetë vetëm një vlerë e shtuar. Ai është një nga lojtarët më të rëndësishëm në botë. Përvoja e tij te Barcelona nuk ishte e lehtë, por të ndaja dhomën e zhveshjes me të do të jetë gjithmonë një kujtim i bukur.
PËRBALLJET ME ITALIANËT – “Kundër skuadrave italianë ka pasur momente të gëzueshme dhe të trishtueshme, si në çerekfinalen e Champions League kundër Juventus, në vitin 2017. Jam përballur edhe me Milanin dhe Interin, kam pasur kënaqësinë të luaj në stadiume të mrekullueshme në Italia dhe me kombëtaren e Spanjës. Gjithmonë kanë qenë ndeshej të mëdha. Kam një kujtim shumë të keq nga EURO 2016, kur Italia e Conte bëri një ndeshje të shkëlqyer. Luajtën shumë më mirë se ne dhe na eliminuan”. /abcnews.al
