Liverpool më në fund arriti ta fitojë titullin kampion të Premier League, ku tifozët e “The Reds” kishin plot 30 vite që e prisnin diçka të tillë. Ndeshja e radhës e të besuarve të Jurgen Klopp do të jetë pikërisht në “Etihad Stadium” kundër kampionëve aktualë të Manchester Cityt. Trajneri i “Qytetarëve”, Pep Guardiola, ka konfirmuar se ai dhe stafi i tij do t’i presin rivalët me duartrokitje përpara fillimit të takimit.
”Sigurisht që do t’i presim dhe do t’i nderojmë ata. Liverpool do të vijë në shtëpinë tonë dhe tashmë ata janë zyrtarisht kampionë. Do ta bëjmë ceremoninë në një mënyrë të pabesueshme, pasi vërtetë që e meritojnë”, deklaron spanjolli për “BBC Sport”.
Ndoshta lojtarët e Cityt nuk do të jenë shumë të lumtur gjatë ceremonisë, pasi janë pikërisht ata që po ia rrëmbejnë titullin. Përballja mes tyre është programuar ditën e enjte, në orën 21:15. /abcnews.al
