Tottenham rikthehet në fushë sonte në mbrëmje. Spurs presin Manchester United (21:15) në një “finale” për një vend në katërshen e parë. Trajneri i skuadrës londineze, ndalet te merkato gjatë konferencës për shtyp, duke pranuar se klubi i tij do të bëjë disa përforcime.
“Ne e dimë që garojmë në një kampionat që ka skuadra me mundësi financiare të ndryshme nga ne. Ka klube që investojnë shumë dhe bëjnë lëvizje të rëndësishme në merkato, njësoj siç bëri United me Bruno Fernandes dhe Chelsea me Ziyech e Werner.
Ata mund të bëjnë çfarë të duan, diçka e tillë nuk është problemi ynë. Ne mendojmë për veten tonë dhe si mund të përmirësohemi. Do të jemi gjithmonë të ekuilibruar, kjo është pjesë e historisë së Tottenham.
Nuk është se nuk do të ndryshojmë, do t’i bëjmë 2-3 ndryshime të rëndësishme për të përmirësuar skuadrën. Mendimet e mia përputhen me të drejtuesve të klubit, jemi në koherencë të plotë“, thekson trajneri portugez. /abcnews.al
