Loading ...
Momente tmerri për një lojtar të Romës. Bryan Cristante ka pësuar një sulm nga dy hajdutë në kryeqytetin italian. Mesfushori i skuadrës verdhekuqe, u shokua kur një motor me dy persona të maskuar i ndaloi përpara.
Objektivi ishte vjedhja e orës Rolex. 25-vjeçari ka rezistuar dhe ka goditur me grusht njërin prej tyre. Keqbërësit nuk e kanë pritur një reagim të tillë dhe i kanë dhënë gaz motorit, duke u larguar menjëherë.
Cristante nuk ka humbur kohë dhe ka denoncuar në polici ngjarjen e ndodhur. Në një situatë të ngjashme përfundoi edhe Samu Castillejo pak ditë më parë. Spanjolli i Milanit, pa një armë t’i drejtohej në fytyrë dhe hajdutët ia dolën t’i merrnin orën e shtrenjtë. /abcnews.al
