Jose Mourinho është gati për rifillimin e Premier League. Tottenhami i tij luan nesër në shtëpi përballë Manchester United (21:15), “finale e parakohshme” për një vend në Champions League.
Spurs ndodhen shtatë pikë larg Chelsea të vendit të katërt dhe shpresojnë ta rinisin me fitore. Jose Mourinho i gëzohet rikthimit të Harry Kane, kapitenit dhe bomberit kryesor të skuadrës.
“Harry po punon shumë mirë, mund ta them me siguri se do e nisë si titullar kundër United. Nuk e kemi të qartë se sa minuta mund të përballojë, por do luajë nga fillimi. Nuk luan prej gjashtë muajsh, fusha e blertë do na japë përgjigjet e gjendjes së tij. Ai është një profesionist i jashtëzakonshme dhe ka bërë një punë të shkëlqyer.
United? Duhet të përballemi me një betejë të veçantë, por, në të njëjtën kohë, është një sfidë e madhe që na motivon shumë. Duhet të përpiqemi të mos shohim diferencën e pikëve në renditje. Ne duhet ta fitojmë këtë duel të jashtëzakonshëm.
Të shohim në fund të kampionatit se çfarë kemi bërë ne dhe çfarë kanë bërë rivalët për një vend në katërshe. Le të fokusohemi te ndeshja me United dhe të luftojmë për të marrë pikët që na duhen“, deklaron trajneri portugez i Tottenham. /abcnews.al
