Shkencëtarët kanë ndërtuar një sistem që vepron si një përforcues WiFi për zhytësit në det, duke i lejuar ata të ndajnë imazhe në kohë reale me kompjuterët në sipërfaqe. E quajtur “Aqu-fi”, teknologjia përdor valët e radios për të transmetuar të dhëna nga smartphonet e zhytësve në një Raspberry Pi të bashkangjitur me veshjet e tyre nënujore.
Të dhënat dërgohen duke përdorur rrezet LED, që mundësojnë dërgimin e të dhënave në kompjuterët në sipërfaqe përmes satelitit, duke i përthyer më pas të dhënat në imazhe dhe video. Studiuesit thonë se sistemi është i aftë të ‘ngarkojë dhe shkarkojë multimedia midis dy kompjuterëve të vendosur disa metra larg në ujë,’ me transferimin e të dhënave në 2.11 megabajt për sekondë.
Basem Shihada me Universitetin e Shkencës dhe Teknologjisë King Abdullah, tha: “Ne kemi krijuar një mënyrë relativisht të lirë dhe fleksibël për të lidhur mjediset nënujore me internetin global. Shpresojmë të përmirësojmë cilësinë e lidhjes dhe gamën e transmetimit me komponentë elektronikë më të shpejtë.” / abcnews.al
