Një peshkarexhë në Durrës u përfshi nga flakët mesditën e sotme teksa ndodhej 6 milje nga bregu.
Anija e quajtur “Anxhela” shpërtheu në flakë për shkak të një shkëndije në bateri ndërsa brenda saj ndodheshin tre marinarë.
Burime për ABC News treguan se tre anëtarët e bordit tentuan të shuajnë flakët por kur ato morën përmasa më të mëdha u hodhën në det për të shpëtuar.
Për këtë ngjarje ka reaguar edhe ambasada italiane e cila ka sqaruar se peshkarexha se një anije që kishte marrë flakë me 3 peshkatarë, janë shpëtuar nga mjeti lundrues i Guardia di Finanza që me sa duket është ndodhur në ujërat shqiptare.
“Aksion i pabesueshëm shpëtimi i zhvilluar nga GDF në Durrës: një anije peshkimi e cila kishte marrë flakë dhe tre peshkatarë në të të shpëtuar pak më parë falë një operacioni shpëtimi në det.
Faleminderit GDF për praninë e vazhdueshme dhe veprimin e menjëhershëm në mbështetje të autoriteteve dhe shtetasve shqiptarë!”, thuhet ne postimin e ambasades.
Mësohet se 3 peshkatarët janë transportuar drejt portit të Durrësit në gjendje të mirë shëndetësore./abcnews.al
