Loading ...
Gjermania është gjithmonë një hap para të tjerëve. Kështu do të ndodhë edhe në futboll, Bundesliga do të rifillojë në datë 15 maj, duke u bërë kampionati i parë i rëndësishëm që ia del të rikthehet pas pezullimit prej koronavirusit.
Franca, Holanda dhe Belgjika kanë pezulluar gjithçka, ndërsa Italia, Spanja dhe Anglia janë në rrugën e duhur për të rifilluar lojën më të bukur me top. Lothar Matthaus është një legjendë e futbollit gjerman dhe e përshëndet vendimin e kancelares Merkel.
“Futbolli është ilaçi i mendjes. Nëse rifillimi i Bundesligës do të funksionojë, të gjithë vendet e tjera do ta imitojnë”, deklaron për Sky Sport Deutschland, ish-fituesi i Topit të Artë në vitin 1990. Fjalë të kundërta me ato të Karl Lauterbach.
“Rinisja e kampionatit është një sinjal potencialisht fatal, një vendim i diktuar nga faktorët tregtarë”, deklaron epidomologu dhe shkencëtari i njohur gjerman, njëkohësisht edhe politikan i Partisë Social Demokrate (SPD). /abcnews.al
