Tjetër rinovim te Bayern Munchen. Disa ditë më parë u firmos kontrata e re e Alphonso Davies. 19-vjeçari kanadez me origjinë nga Liberia, ka qenë ndër më të mirët e skuadrës bavareze këtë sezon dhe drejtuesit ia zgjatën dhe përmirësuan kontratën deri në vitin 2025.
Sot ka qenë radha e Hans-Dieter Flick. Trajneri zëvendësoi Niko Kovac në stolin e kampionëve të Gjermanisë. Humbja 5-1 kundër Eintracht Frankfurt në 3 nëntorin e kaluar, qëlloi fatale për trajnerin kroat dhe në stol u ul 55-vjeçari gjerman.
Flick ka zhvilluar një punë fantastike, Bayerni i tij është në garë për fitimin e gjitha kompeticioneve, po fiton dhe po luan bukur. Trajneri i bindi të gjithë për cilësitë që ka, lojtarët e duan dhe drejtuesit kanë vendosur t’i dhurojnë një kontratë deri në verën e vitit 2023, firmosja e së cilës është bërë ditën e sotme. /abcnews.al
Hansi Flick signed his new contract with #FCBayern ✍️
? https://t.co/BycEy5rPwt#MiaSanMia #Flick2023
— FC Bayern English (@FCBayernEN) April 30, 2020
