Ilkay Gundogan nuk është dorëzuar sa i takon titullit kampion në Premier League. Mesfushori turko-gjerman i Manchester Cityt pranoi se kur futbolli do të rikthehet, për të cilin është optimist, City do të luftojë për çdo kompeticion.
“Sido që të shkojnë gjërat, duhet të jemi gati. Është një situatë e jashtëzakonshme që kërkon masa të jashtëzakonshme. Ne te Manchester City, e shohim veten si lojtarë të mëdhenj që luajnë për një klub të madh dhe do të mundohemi të bëjmë sa më mirë në këtë situatë.
Duam të dimë sa më shpejt se si do të shkojnë fatet e sezonit, kur do të rikthehemi në stërvitje. Jam optimist se futbolli do të rikthehet dhe ne, duhet të jemi gati të luftojmë në çdo kompeticion”, u shpreh mesfushori gjerman./abcnews.al
