Ministri në detyrë i Shëndetësisë në Kosovë, Arben Vitia, ka bërë të ditur se prej datës 15 prill do të hyjnë në fuqi masa të reja për të luftuar krizën e shkaktuar nga koronavirusi në vend. Lajmi vjen pasi të dielën u konfirmuan edhe 72 raste në Kosovë.
Masat e reja parashikojnë kufizim të lëvizjes në orë të caktuara dhe lejim të qarkullimit vetëm për kryerjen e nevojave primare si dhe furnizimit. Vitia bëri të ditur se nesër aneksi i ri do të bëhet i ditur për të gjithë.
Vitia u shpreh:
“Mbrëmë u konfirmuan edhe 72 raste të reja. Këto itë edhe pse shumica e qytetarëve kanë zbatuar rekomandimet, diët e fundit pasi pamë daljen e madhe të qytetarëve për shkak të kohës së mirë kemi parë një mosrespektim të masave. Sot morëm vendimin për masa të reja për parandalimin e sëmundjes Covid. Qytetarë të nderuar fillimisht ju falënderoj për durimin. Duhet të mbajmë lakorën të sheshtë. Këto masa që do të hyjnë të mërkurën në ora 6 të zbatohen në përpikëri. Organet gjegjëse do sigurohen për zbatimin e këtyre masave. Nëse bashkëpunojmë mudn të sigurohemi që këto masa të qëndrojnë në fuqi për kohën më të vogël të mundshme. Një mase më e vogël e bindjes e ndonjërit prej nesh mnund të rrezikojë virusin në tërësi. Sa më shumë i respektojmë do mund të kalojmë këtë periudhë. Sidomos ditët e para do të jenë të vështira. Presim një sprovë të vëshitrë. Nuk guxojmë të tolerojmë as lëshimet më të vogla.’’
Kështu, prej datës 15 prill 2020 në 06 të mëngjesit ndalohet qarkullimi i qytetarëve kosovarë jashtë banesave. Për personat mbi moshën 16-vjecare lejohet qarkullimi për furnizim me ushqime për familje dhe pagesa bankare për jo më shumë se 1 orë e gjysmë.
Gjatë qarkullimit nuk lejohet shoqërim nga asnjë person fizik përvec në dy raste. Personat me aftësi të kufizuara dhe personat nën moshën 16 vjec në prani të kujdestarit.
Deri më tani, Kosova numëron 362 persona të prekur me Covid-19, 59 të shëruar dhe 7 viktima. /abcnews.al/
