Piktori Gazmend Leka në një lidhje me “ABC e mëngjesit” ka treguar se si po e përballon panikun e shkaktuar nga koronavirusi.
Ai u shpreh se situata është e vështirë edhe pse fillimisht u mor me shaka. Leka tregoi se ditët në karantinë mundohet ti mbushë më aktivitet duke mos i lënë hapësirë ankthit dhe frikës.
Më tej ai tregoi edhe për ekspozitën të cilën e ka ndërtuar më tetë piktura me dimensione të mëdha.
“Nga pikëpamja e brendshme nuk më ka lëvizur asgjë dhe shumë rrallë e ndjej ankthin. Nëse në fillim kjo situatë nisi si shaka tani ka filluar të rëndohet.
Nga viti që shkoi unë fillova ekspozitën e re. Gjithmonë kam qenë shumë ndjeshëm ndaj pjesës së rëndë që ka Shqipëria.
Kam ndërtuar 8 piktura me dimensione të mëdha. Ekspozitën e lidh më shumë me përmbytjen që ndodh çdo vit.
Dua të ndërtoj një “figurë” shqiptare që shpëton kafshët. Raporti i njeriut me kafshën është raporti që ka instikti me logjikën”, u shpreh piktori Leka.
Gjithashtu ai theksoi se mësimi online mund të realizohet për disa shkolla. Por sipas tija ka edhe disa lëndë që është e vështirë të bëhen online.
“Frika te secili zë vend në mënyrën e saj, nuk duhet shkaktuar presion. Duhet të tregohet një kujdes i veçantë në mënyrën se si zhvillohet komunikimi”, tha Leka./abcnews.al
