Në merkaton e verës pritet të ketë zhvilleme të shumta për sa i përket transferimeve, ku Real Madrid do të kërkojë të ndërtojë një ekip akoma dhe më të fortë. I këtij mendimi është dhe ish-mesfushori i Juventusit, Mohamed Sissoko, i cili mendon se një nga sulmuesit e Liverpool do të përfundojë në Madrid.
“E shikoj Sadio Manen më shumë te Reali se sa Mohamed Salah. Ai ka pikërisht ato karakteristika që trajneri Zidane po kërkon. Nuk e di se çfarë i ka rezervuar e ardhmja sulmuesit egjiptian, por nëse largohet do të ishte mirë dhe për Liverpool. “The Reds” janë të zgjuar dhe do ta zëvendësonin shumë mirë atë”, deklaron francezi.
“Pogba? Zidane e dashuron atë. Por mendoj se vetë Paul dëshiron një rikthim te Juventusi. Edhe pse kjo nuk varet nga lojtari, pasi ai është në kontratë me Manchesterin deri në vitin 2021. Ndërsa për sa i përket Coronavirusit, media nuk po tregon atë që po ndodh realisht në Francë. Duhet të kemi durim sepse gjithçka do të kalojë. Në këto momente futbolli nuk është parësor”, mbyll Sissoko. /abcnews.al
