Tashmë Coronavirusi ka mbërthyer botën. Pas shpërthimit në Itali, gripi vdekjeprurës ka pushtuar dhe Spanjën, që po humbet shumë jetë në ditët e fundit. Futbolli ka disa ditë që është pezulluar, por kjo nuk i ka ndalur pjesën më të madhe të futbollistëve të stërviten.
Këtë gjë ka vendosur të bëjë dhe portieri i Real Madrid, Thibaut Courtois. Belgu po vazhdon stërvitjen në shtëpinë e tij në Madrid. Madje ai po rikuperohet plotësisht nga dëmtimi që kishte dhe shumë shpejt do të jetë gati për të luajtur, edhe pse nuk dihet se kur do të rinisë kampionati.
I gjithë ekipi madrilen ka disa ditë që është në izolim, për shkak se një nga pjesëtarët e stafit të ekipit të basketbollit doli pozitiv me Covid-19. Si ekipi i basketbollit, edhe ai i futbollit stërviten në një qëndër stërvitore, dhe për të parandaluar përhapjen klubi mori menjëherë masa drastike. /abcnews.al
.@thibautcourtois is well on the way to full fitness as he recovers at home. The challenge is to stay in shape while cooped up due to the coronavirus. [@diarioas] pic.twitter.com/bwipu0bivB
— Infinite Madrid (@InfiniteMadrid) March 23, 2020
