“Nëse Arsenali shpenzon para, Arteta bëhet trajneri më i mirë në botë!”

Mikel Arteta është trajneri më i ri në Premier League dhe strategu i Arsenalit, ka një potencial të jashtëzakonshëm, pasi ka punuar me emra si Arsene Wenger dhe Pep Guardiola.

Mesfushori i njohur, Yaya Toure, mendon se Arteta do të bëhet trajneri më i mirë në botë, nëse Arsenali vendos të shpenzojë para në merkatot e ardhshme.

“Mendoj se Arteta është një trajner shumë, shumë i mirë. Kam punuar me të për disa vite te Manchester City dhe e kam ndjekur nga afërt. Dua që Arsenali të shpenzojë më shumë para dhe të mbështesë Artetën në projektin e tij. Nëse Arsenali shpenzon para, Arteta është një ndër trajnerët më të mirë në botë”, tha Yaya Toure./abcnews.al