Senatori amerikan, David Perdue, ka deklaruar se Shtetet e Bashkuara të Amerikës duhet të rishqyrtojnë praninë e saj në Kosovë, nëse Qeveria e Kosovës nuk e heq taksën ndaj Serbisë.
Qëndrimin e senatorit amerikan e ka mbështetur edhe këshilltari i presidentit Trump për Siguri Kombëtare, Robert O’Brien.
Gjithashtu edhe i dërguari i presidentit amerikan për dialogun Kosovë-Serbi, Richard Grenell, më herët ka mbështetur deklaratat e senatorit amerikan David Perdue që ky i fundit ka bërë në rrjetin social “Twitter”.
Perdue shkruan se SHBA duhet të rishqyrtojë praninë e saj në Kosovë, nëse qeveria e Kosovës nuk e heq taksën ndaj Serbisë. Grenell postimin e senatorit amerikan e ka rishpërndarë në profilin tij.
“Për më shumë se dy dekada, forcat amerikane kanë ndihmuar në ruajtjen e paqes mes Kosovës dhe Serbisë. Tani, me progresin e bërë historik, Kosova duhet të bëjë pjesën e vet dhe të shfuqizojë të gjitha detyrat e vendosura ndaj Serbisë. Nëse Kosova nuk është plotësisht e përkushtuar për paqe, atëherë SHBA duhet të rishqyrtojë praninë e saj atje”, shkruan Perdue.
